SORTU eta EKIN programaren hirugarren deialdia ireki da, kultura eta sormen industrietan ideia edo proiektu bat duten eta hura martxan jarri nahi duten pertsonentzat. Gipuzkoako Foru Aldundiak finantzatutako eta Oarsoaldearen Garapen Agentziak Agustinak Zentroan garatzen duen ekimen honek laguntza pertsonalizatua, prestakuntza praktikoa eta lan-espazio profesionala eskaintzen ditu, zure proiektua egituratu, balioztatu eta epe luzerako bideragarritasuna lortzeko. Gehienez 10 parte-hartzailek negozio eredua, finantzak, komunikazioa eta sektoreko sareak lantzeko aukera izango dute, adituen laguntzarekin eta benetako kasuekin, bakarrik egitea zaila den bidea modu gidatuan egiteko. Zure proiektuari bultzada erreal bat eman nahi badiozu eta sormen ekosistema aktibo baten parte izan, hau da momentua: hautagaitzak aurkezteko epea apirilaren 23ra arte egongo da zabalik.